四葉易搞Lenovo A789
2012-10-12 06:55:46
10 / 10
調整字體︰大 中 小
四葉易搞Lenovo A789【太陽報專訊】Lenovo的Android智能手機系列「樂Phone」喺香港並無大力推，不過呢個系列嘅產品又確能夠做到與眾不同，皆因佢有個名為「四葉草」嘅自家介面，用起嚟確實幾方便，對一啲初試Android嘅用家而言，就更易上手，加上今次部A789規格有睇頭又抵買，仲要Lenovo個牌頭，一定勝過山寨嘢！
獨創介面夠易用Lenovo樂Phone除咗有國產手機常有嘅雙卡雙待功能之外，更有個招牌四葉草介面。呢個介面最方便就係可以將常用嘅Apps擺喺主頁面嘅四塊葉其中一塊裏面，等用家可以好方便咁一按即刻用到自己想要嘅功能，而且仲可自行設定想要嘅捷徑，可以話係就住用開Feature Phone嘅用家嚟開發，夠晒簡單直接。
2,000mAh電池襟用Lenovo之前幾部手機嘅電池都耐用到出晒名，今次呢部A789當然都唔例外，佢電池容量高達2,000mAh，加上部機個芒本身唔大，所以喺耗電量較低、同高容量電池此消彼長之下，續航力自然比起其他智能手機更加長。外形上，A789比起過往的同系列型號更加討好，以前啲姊妹機多用圓邊似番梘嘅設計，A789就流線型得來，邊位又較直，手感不俗，屏幕下方又有觸控鍵，實用得嚟又有款。
規格不俗 性價比高市面上一部大牌子雙核手機普遍也要二千幾銀，不過A789作為大廠出品，定價都只係千七蚊樓下，而除咗雙核處理器之外，其實其他規格都唔差，包括有512MB同4GB儲存容量，雖然唔係話好突出，但就相當夠用，並冇一般國產山寨機成日唔夠位裝Apps嘅問題。
SPEC作業系統：Android 4.0
制式：WCDMA（900/2100MHz）+GSM（850/900/1800/1900MHz）；雙卡雙待
顯示屏：4吋多點觸控電容屏幕（800×480）
記憶體：512MB RAM、4GB ROM
儲存容量：支援最大32GB microSDHC記憶卡
通訊：HSDPA、GPS、Wi-Fi、藍芽
重量：131.5g
體積：121×61.1×12.2mm
查詢：3426 9866
四葉易搞Lenovo A789
2012-10-12 06:55:46 |
|
10 / 10
調整字體︰大 中 小
四葉易搞Lenovo A789
【太陽報專訊】Lenovo的Android智能手機系列「樂Phone」喺香港並無大力推，不過呢個系列嘅產品又確能夠做到與眾不同，皆因佢有個名為「四葉草」嘅自家介面，用起嚟確實幾方便，對一啲初試Android嘅用家而言，就更易上手，加上今次部A789規格有睇頭又抵買，仲要Lenovo個牌頭，一定勝過山寨嘢！
獨創介面夠易用
Lenovo樂Phone除咗有國產手機常有嘅雙卡雙待功能之外，更有個招牌四葉草介面。呢個介面最方便就係可以將常用嘅Apps擺喺主頁面嘅四塊葉其中一塊裏面，等用家可以好方便咁一按即刻用到自己想要嘅功能，而且仲可自行設定想要嘅捷徑，可以話係就住用開Feature Phone嘅用家嚟開發，夠晒簡單直接。
2,000mAh電池襟用
Lenovo之前幾部手機嘅電池都耐用到出晒名，今次呢部A789當然都唔例外，佢電池容量高達2,000mAh，加上部機個芒本身唔大，所以喺耗電量較低、同高容量電池此消彼長之下，續航力自然比起其他智能手機更加長。外形上，A789比起過往的同系列型號更加討好，以前啲姊妹機多用圓邊似番梘嘅設計，A789就流線型得來，邊位又較直，手感不俗，屏幕下方又有觸控鍵，實用得嚟又有款。
規格不俗 性價比高
市面上一部大牌子雙核手機普遍也要二千幾銀，不過A789作為大廠出品，定價都只係千七蚊樓下，而除咗雙核處理器之外，其實其他規格都唔差，包括有512MB同4GB儲存容量，雖然唔係話好突出，但就相當夠用，並冇一般國產山寨機成日唔夠位裝Apps嘅問題。
SPEC
作業系統：Android 4.0
制式：WCDMA（900/2100MHz）+GSM（850/900/1800/1900MHz）；雙卡雙待
顯示屏：4吋多點觸控電容屏幕（800×480）
記憶體：512MB RAM、4GB ROM
儲存容量：支援最大32GB microSDHC記憶卡
通訊：HSDPA、GPS、Wi-Fi、藍芽
重量：131.5g
體積：121×61.1×12.2mm
查詢：3426 9866
